Laboratorio Reinicio é unha actividade da Fundación Luis Seoane inspirada na práctica da reconstrución da identidade a través de ferramentas como o arquivo comunitario construído a partir dos arquivos persoais, o coñecemento histórico e a xestión non oficial das memorias.
A praxe de Luis Seoane a través das súas iniciativas en aras da renovación da cultura galega do século XX son a guía principal para este proxecto en proceso aberto vinculado, especialmente, aos colectivos migrantes e á práctica das políticas de xénero.
O Laboratorio nace cunha vocación de traballo en comunidade e coa intención de construír unha peza visual que recolla as conversacións, experiencias, producións e reflexións daqueles que buscan formar parte dunha nova sociedade e dos que os acollen.
A partir do 1 de marzo, todos os luns de 17 a 18 horas na Fundación Luis Seoane e mércores de 17 a 18 horas na plataforma Zoom.
Conducido por:
Jorge Blasco. Escritor e comisario de arte especializado na praxe arquivística.
Silvia Longueira. Historiadora vinculada ao eido da integración de minorías.
Diana Rangel. Psicóloga e artista plástica que traballa sobre a relación entre a imaxe fotográfica e os procesos de construción subxectivos.
Antón Lezcano. Deseñador gráfico e xestor cultural.
Tono Mejuto. Arquitecto e artista visual
Laboratorio Reinicio é unha actividade gratuíta. Para participar, é preciso encher a folla de inscrición descargable a través do enlace seguinte, e remitila ao enderezo de correo info@fundacionluisseoane.gal: