[ATENCIÓN: actividade cancelada ata novo aviso]
Os diarios de escritores constitúen un xénero literario en si mesmo. Neste obradoiro coñeceremos algunhas destas obras e detectaremos nelas trazos de estilo e técnicas que nos axudarán a enfrontarnos ao papel en branco. Un diario pode adoptar múltiples formas e servir para diferentes obxectivos: a narración intimista ou autorreferencial, a crónica desenfadada, a autoficción e mesmo a ficción novelesca. Aprenderemos a manexar o punto de vista, o ritmo e o estilo dos nosos textos. Que ideas ou temas son máis relevantes á hora de escribir? Como debemos enfocalos? Que elementos achegan verosimilitude? Que erros debemos evitar?
Ademais, compartir os nosos textos en clase e ler o que outros escriben axudaranos a mellorar e a perder o pudor á hora de escribir.
Fernando Ontañón