Tras o seu paso polo Jeu de Paume de París, a exposición Valérie Jouve. Corps en résistance chega á Fundación Luis Seoane da Coruña na que constitúe a primeira retrospectiva realizada en España sobre a obra da fotógrafa e cineasta francesa. Co gallo da celebración desta mostra, o Jeu de Paume publicou un catálogo en francés e inglés ao que agora se lle engade unha separata en castelán, que recolle unha entrevista realizada a Valérie Jouve por Marta Gili, directora do Jeu de Paume e comisaria da exposición; e por Pia Viewing, co-comisaria deste proxecto xunto á propia artista, así como dous ensaios de Arlette Farge e Marie-José Mondzain. O volume inclúe imaxes das obras presentes en ambas exposicións, que recollen un período de máis de vinte anos de traxectoria artística da creadora francesa.