Celebrado en paralelo á exposición El dibujo animado americano. Un arte del siglo XX. Colección Luciano Berriatúa e organizado pola Fundación Luis Seoane en colaboración coa Universidade Internacional Menéndez Pelayo, o curso Estéticas de la animación reuniu no verán de 2009 a unha serie de especialistas que analizaron a historia dunha forma de expresión artística que, se ben se asocia en ocasións a unha maneira de entretemento masivo, desenvolveuse ao mesmo tempo que as manifestacións artísticas propias da Modernidade, contribuindo á súa popularización. O presente volume reúne as conferencias daquel seminario.