O fotógrafo, comisario, escritor e historiador da fotografía Peter Yenne e a investigadora da fotografía histórica andina Adelma Benavente García analizan neste catálogo o valioso legado do Estudio de Arte Vargas Hermanos de Arequipa, dirixido polos irmáns Carlos e Miguel Vargas, autores dunha obra que recolle un momento extraordinario na historia do Perú, inscrita na corrente pictorialista desenvolvida a finais do século XIX e comezos del XX. A Fundación Luis Seoane sería, xunto co MuVIM de Valencia, unha das dúas únicas escalas en España da exposición homónima tras o seu paso polo FotoFest de Houston e o Instituto de México en París. O volume inclúe un texto de Mario Vargas Llosa extraído da súa novela El Paraíso en la otra esquina (Madrid, Alfaguara, 2003), cedido para a ocasión polo escritor peruano.