Unha selección de 58 augadas realizadas por Luis Seoane entre as décadas dos 50 e 70 dan forma a esta exposición, que afonda en diversos aspectos dos procesos creativos do artista como o tratamento da paisaxe ou a importancia da cor na súa obra, constituíndo unha oportunidade para achegar ao público a que quizais sexa a parte menos coñecida do seu traballo. Sen embargo, a augada é unha técnica que Seoane utilizará ao longo de toda a súa traxectoria, especialmente durante as viaxes que realiza durante a os anos sesenta na compañía da súa dona, Mª Elvira Fernández. O presente volume recolle as imaxes das obras presentes na mostra, así como unha pequena recompilación das augadas pertencentes ao legado da Fundación Luis Seoane.