O tempo, a memoria, a viaxe e o coñecemento protagonizan a primeira edición de Laboratorio Expedición. Conversas na rede da Fundación Luis Seoane, un formato audiovisual dividido en cinco capítulos nos que se establecerá un diálogo cunha serie de docentes, investigadores e colectivos co obxectivo de crear un espazo de debate acerca das novas posibilidades, usos e construcións da cultura contemporánea.

A escritora e profesora de Literatura Comparada Patricia Almarcegui colabora en diferentes medios como El Diario, El País ou La Vanguardia. Publicou varios volumes de ensaio e narrativa como El pintor y la viajera (Ediciones B, 2011), El Sentido del viaje (Junta de Castilla y León, 2014), Una viajera por Asia Central. Lo que queda del mundo (UB, 2016), Escuchar Irán (Newcastle, 2016) e La memoria del cuerpo (Fórcola, 2017), entre outros.