Coa inauguración do ciclo Non dispoñible, que convida a un artista a amosar a súa obra en espazos da Fundación Luis Seoane non utilizados habitualmente con fins expositivos, nace unha colección de monografías cuxo primer volume está dedicado á obra do escultor Xavier Toubes (A Coruña, 1947), impulsor da creación do European Ceramics Work Centre en s’-Hertogenbosch, Países Baixos, institución que dirixiría durante dous anos. Considerado pola crítica especializada como unha das figuras máis importantes no campo da cerámica en España, a súa traxectoria abrangue catro décadas de práctica artística, que compaxina co seu labor docente nos Estados Unidos. O estudo de Rebeca Pérez Sánchez-Montañés ofrece unha visión completa do traballo do creador galego.