Dirixida e coordinada por Pedro de Llano, esta publicación formula de novo, desde o terreo da arte, a tensión que existe entre a identidade e a diferenza, analizando as relacións que se producen entre o local e o universal, entre o eu e o outro, entre o arraigamento e o desarraigamento, entre a tradición e a modernidade. Wrong Site reúne as conferencias que se celebraron na Fundación Luis Seoane no marco dos cursos da Universidade Internacional Menéndez Pelayo en xullo de 2004, un documento de investigación que recupera un proxecto expositivo errado, no que se analizaban os matices que interveñen na casuística do accidente, e que partía dunha proposta de Paul Virilio para a Fondation Cartier.