En decembro de 1998 a Fundación Luis Seoane acolleu a instalación multimedia A utopía do exilio do artista portugués Fernando José Pereira, producida no ano 1997 para as actividades artísticas da Feira do Libro de Frankfurt, nunha exposición realizada en colaboración co Ministerio de Cultura de Portugal e a Fundação de Serralves. A través dos textos do filósofo Francisco Jarauta, do crítico de arte e comisario de exposicións Pedro Lapa e do propio artista, analízanse o significado e as referencias desta peza que ocupa un lugar destacado na arte portuguesa dos anos noventa.