Rui Chafes. Contramundo recolle a obra realizada polo escultor portugués ao longo da última década. Editado en paralelo á exposición que a Fundación Luis Seoane dedicou á obra de Chafes entre os meses de outubro de 2011 e xaneiro de 2012, o presente volume é unha exhaustiva análise da traxectoria dun dos creadores máis importantes da súa xeración, e a primeira publicación destas características editada en España por unha institución sobre o traballo do artista.