Con motivo da celebración da exposición La vida secreta de los libros. Media Vaca 1998-2004, a editorial valenciana Media Vaca reuniu por vez primeira, nun único volume e respectando o formato orixinal dos debuxos de Luis Seoane, os libros de retratos que o artista publicou en 1968 e 1969 (Retratos furtivos, Bos Aires, 1968; Retratos desguello, A Coruña, 1968 e Otros retratos furtivos, Bos Aires, 1969). Son un total de 250 bosquexos a liña realizados en lugares públicos de distintas cidades aos que o autor engadiu pequenos comentarios en castelán ou galego publicados agora nunha edición única.