Pode dicirse que Ray Harryhausen. Creador de monstruos, proxecto comisariado por Asier Mensuro e coproducido pola Fundación Luis Seoane e The Ray & Diana Harryhausen Foundation, foi a maior retrospectiva dedicada a este xenio dos efectos especiais no noso país. Con motivo da celebración desta exposición, a Fundación Luis Seoane editou un catálogo que reproduce as obras presentes na mostra e que afonda en aspectos da figura de Harryhausen que van máis alá do estrictamente cinematográfico. O presente volume detalla de maneira pormenorizada os procesos de traballo do técnico americano, e reflexiona sobre a poética do monstruo, do monstruoso no cine, ofrecendo un interesantísimo relato das experiencias de Harryhausen nas rodaxes nas que participou en España.
Publicación
Ray Harryhausen. Creador de monstruos
2009
292 p. : il. col e n. ; 14 x 21 cm. Texto en español e galego
Textos
Antonio Garcinuño, Jorge Gorostiza, Domingo Lizcano, Asier Mensuro, Alberto Ruiz de Samaniego.
Colección
Larva