Organizada para conmemorar os 120 anos da celebración da primeira exposición de Pablo Picasso, realizada na Coruña en 1895, a exposición Picasso en sus carteles reuniu na Fundación Luis Seoane modelos orixinais e carteis de exposicións pertencentes a unha das coleccións privadas máis prestixiosas do mundo, nun proxecto comisariado polo profesor e crítico de arte Antón Castro. O catálogo reproduce as obras presentes na mostra, que tivo lugar na primavera de 2015, e inclúe dous ensaios que reflexionan acerca do significado do cartelismo na traxectoria do pintor malagueño, e establecen un paralelismo entre determinados aspectos do seu traballo e a produción artística de Luis Seoane.