A segunda exposición do ciclo da Fundación Luis Seoane dedicado á recuperación e revisión da obra de artistas galegos do último terzo do século XX céntrase na produción brasileira do escultor Fernando Casás (Gondomar, Pontevedra, 1946), reunida por vez primeira nunha mostra que comprende pezas desde finais dos anos sesenta ata comezos da década dos oitenta. O presente catálogo analiza a traxectoria do artista e aspectos fundamentais do seu traballo, como o diálogo que establece a súa obra coa natureza, a través de dous ensaios a cargo da gravadora brasileira Renina Katz e do filósofo español Félix Duque.