Entre os meses de xuño e setembro de 2005, a Fundación Luis Seoane acolleu a exposición O lado da sombra, un proxecto comisariado por Anxo Rabuñal que propoñía unha lectura do pasado inmediato a través da creación gráfica desenvolvida en Galicia entre as décadas dos 70 e 80. A mostra reunía unha ampla selección de esculturas, obxectos, fotografías, revistas, libros, discos, filmes, debuxos, cómics e pinturas realizadas por un heteroxéneo conxunto de artistas e activistas. O presente catálogo reproduce gran parte do material incluido na exposición, acompañado por unha serie de textos de diferentes autores que analizan a evolución da escena cultural galega no período que vai dos últimos anos do franquismo ata a transición á democracia.