A actividade do European Ceramics Work Centre (‘s-Hertogenbosch, Holanda) protagonizou entre os meses de decembro de 1997 e xaneiro de 1998 unha mostra colectiva na Fundación Luis Seoane na que se incluíron obras de artistas como o escultor británico Tony Cragg, o español Víctor Mira ou o holandés Mark Manders, entre outros. O catálogo recolle as pezas presentes na exposición e inclúe un texto do ceramista galego Xavier Toubes, director artístico do EKWC.