A relación entre arte e enfermidade a través das obras de trece artistas contemporáneos protagonizou a exposición Muestra la herida. La enfermedad. Arte y medicina I, un proxecto comisariado por David Barro, Alberto Ruiz de Samaniego e Sofía Santos que entre os meses de xaneiro e marzo de 2010 ocupou as salas de exposicións do primeiro andar da Fundación Luis Seoane. O presente volume reúne unha serie de ensaios entre os que se atopan algunhas das intervencións que formaron parte do ciclo de conferencias organizado ao redor da mostra, que afondan en diferentes aspectos desa relación ao longo da Historia, desde a antigüidade ata os nosos días.