Entre xuño e setembro de 2009, a Fundación Luis Seoane acolleu a exposición Max. Hipnotopía, un percorrido polo traballo e as referencias dun dos debuxantes e ilustradores máis importantes do noso país. O presente catálogo, editado en 2008 pola Obra Social “SA NOSTRA” Caixa de Balears, Cajasol Obra Social e Inrevés ediciones recolle varios exemplos do Max cartelista, así como as ilustracións que o artista fixo para a prestixiosa The New York Book Review ou para Babelia, debuxos pertencentes a El prolongado sueño do señor T ou o seu célebre personaxe Bardín el Superrealista, entre outros.