Publicado pola editorial Fabulatorio, o fotolibro Lugares. Vari Caramés recolle a obra máis recente do fotógrafo galego a través dunha serie de imaxes coas que o artista fai referencia a espazos reais e imaxinarios, escenarios que transmiten esa sensación de familiaridade e de déjà vu propia do seu universo visual, nun deseño editorial asinado polo estudo Desescribir galardoado cun LAUS de Oro concedido pola ADG-FAD, a Asociación de Directores de Arte y Diseñadores Gráficos de España. Entre os meses de xullo e outubro de 2019, as imaxes de Lugares trasladáronse ás salas da Fundación Luis Seoane onde protagonizaron a exposición do mesmo nome.