O papel decisivo que a escultura xugou na primeira etapa alemana de Fritz Lang (Viena, 1890-Beverly Hills, California, 1976), desde os inicios da súa traxectoria como cineasta ata o seu exilio, primeiro en París, e posteriormente en Estados Unidos, protagonizou a exposición La escultura en Fritz Lang, un proxecto que contou coa colaboración da Cinémathèque Française, a Deutsche Kinemathek e a Slovenska Kinoteka, co que a Fundación Luis Seoane inauguraba un ciclo dedicado aos representantes máis destacados do cine de autor e á súa relación con outras disciplinas artísticas. O catálogo da exposición documenta a montaxe realizada na Fundación, así como unha serie de ensaios a cargo de destacados especialistas, como o historiador de cine Luciano Berriatúa ou o profesor de Comunicación Audiovisual da Universidade de Valencia e director da revista Archivos de la Filmoteca Vicente Sánchez-Biosca, entre outros.