No décimo aniversario da súa creación, a Fundación Luis Seoane rende homenaxe a Luis Seoane a través da exposición de máis de douscentos debuxos pertencentes aos fondos institucionais. O presente catálogo recolle a memoria gráfica da maior retrospectiva realizada sobre a obra en debuxo do artista galego ata a data, converténdose en obra de referencia sobre o pintor e o seu medio, nun volume que conta con estudos de tres destacados especialistas en Historia da Arte: Valeriano Bozal, quen ademais comisariou a exposición, Jaime Brihuega e Mª Victoria Carballo Calero.