A obra máis recente do escultor Ignacio Caballo (Guardo, Palencia, 1965) protagoniza esta exposición que entre os meses de setembro e decembro de 2008 reuniu preto de cincuenta das súas esculturas e debuxos nas salas da Fundación Luis Seoane. A soidade do actor ante o público, o espazo que queda tras a ficción, o infraleve ao que se refería Duchamp, son algunhas das cuestións nas que se centrou este proxecto que agora se recolle neste catálogo-ensaio con texto do escritor Miguel Copón.