No ano 1989 nace o Centro de Fotografía Isla de Tenerife, unha entidade cultural entre cuxos obxectivos destaca a construción, conservación e difusión dun patrimonio fotográfico no que están representadas tanto as correntes históricas como as manifestacións contemporáneas. Tres anos máis tarde, a Fundación Luis Seoane acolle a exposición Fraude de realidade: fotografía, realizada en colaboración co centro canario e comisariada polo seu director, Antonio Vela, na que se presentará unha selección dos traballos de catro artistas incluídos nos fondos da institución: Juan Hidalgo, Teresa Arozena, Francis Naranjo e Juan Carlos Bautista. O presente catálogo recolle as obras incluidas na mostra, ademais de dous textos dos críticos de arte e comisarios de exposicións Nilo Casares e Clara Muñoz.