Entre os meses de maio e xuño de 2001, a Fundación Luis Seoane acolleu a exposición Caixas negras, un proxecto do pintor e gravador Manuel Facal (Carballo, A Coruña, 1943) concibido específicamente para a Fundación Luis Seoane, que reuniu unha serie de pezas inspiradas nas obras coas que o artista galego participara en Atlántica no ano 1980, que sintetizaban unha traxectoria de case unha década e que remitían a movementos como a arte povera. O catálogo da mostra inclúe dous ensaios a cargo do escritor Xavier Seoane e do propio Manuel Facal nos que se debullan os procesos creativos e a evolución do artista entre os anos setenta e a actualidade.