O que coñecemos como Muralla do Atlántico ou Atlantikwall foi un dos maiores proxectos de enxeñería bélica da Historia: percorrendo todo o litoral atlántico europeo, desde Escandinavia ata a Península Ibérica, o exército alemán construiu unha serie de búnkers e elementos defensivos co inabarcable obxectivo de defender prácticamente toda a costa norte do continente. O arquitecto José Froján e a urbanista María Fernández documentaron a través de 47 fotografías de gran formato as imaxes dos restos daquela descomunal obra no seu estado actual.