Entre os meses de abril e xullo de 2011, a Fundación Luis Seoane acolleu a exposición Arquitectura escrita, un proxecto organizado pola Sociedad Estatal de Conmemoraciones Culturales SECC e o Círculo de Bellas Artes, que afondaba nas conexións entre arquitectura e literatura ao longo da Historia. O catálogo da mostra conta con textos dos comisarios, os profesores Juan Calatrava e Winfried Nerdinger e doutros especialistas, xunto a unha selección de lecturas de autores como Tomás Moro, François Rabelais, John Milton, Jonathan Swift, Horace Walpole, Goethe, Jean Cocteau ou Ernst Jünger, entre outros.