A exposición na que se basea o presente catálogo, coproducida pola Fundación Luis Seoane e la Sociedad Estatal de Conmemoraciones Culturales (SECC) xestouse conxuntamente con Alberto Datas, co que a súa cidade natal pretendía saldar unha débeda prolongada quizais por demasiado tempo, un proxecto interrompido tristemente polo falecemento do pintor, que se transformou en homenaxe e recoñecemento á traxectoria dun dos artistas galegos máis relevantes da segunda metade do século XX. O volume reproduce as vintesete pinturas de gran formato e unha selección dos debuxos e gravados presentes na mostra, que reunía a obra máis recente do artista coruñés, e inclúe textos sobre a súa traxectoria e unha síntese biográfica.