Cómo se imprime un libro. Grafistas e impresores en Buenos Aires 1936-1950. Instituto Cervantes

/
Comisarios David Carballal, Silvia Longueira

No ano 1942, a Imprenta López de Bos Aires publica Cómo se imprime un libro, un volume para agasallar aos seus clientes e colaboradores no que se recollen as diferentes etapas do proceso de elaboración de un libro, con un diseño editorial innovador a cargo de Attilio Rossi e fotomontaxes e fotografías de Grete Stern e Horacio Coppola. Partindo desa obra, o deseñador e comisario de exposicións David Carballal e a directora da Fundación Luis Seoane, Silvia Longueira, desenvolveron o proxecto Cómo se imprime un libro. Grafistas e impresores en Buenos Aires 1936-1950, unha proposta que recollía o traballo de seis creadores ligados á Imprenta López: os devanditos Attilio Rossi, Grete Stern e Horacio Coppola, xunto con Luis Seoane, Jakob Hermelin e o impresor Manuel López. Preto de cen volumes pertencentes a destacadas editoriais como Espasa Calpe, Losada ou Emecé, a maioría primeiras edicións; máis de vinte coleccións, incluída a histórica Austral ou algunhas das fundadas por Seoane, como Dorna ou Mar Dulce, protagonizan unha mostra dedicada á idade de ouro da edición na Arxentina, que arrincou no mes de novembro de 2017 na Fundación Luis Seoane, e que, tras a súa clausura, abre de novo as súas portas na sede da rúa Alcalá do Instituto Cervantes de Madrid, grazas á colaboración entre ambas institucións, onde estará aberta ao público ata o 4 de xaneiro de 2019.

O concepto expositivo incide nos aspectos máis relevantes do universo plástico do libro, con especial atención aos distintos elementos que o compoñen: o formato, a diagramación, os tipos de letra, as ilustracións, o deseño das cubertas e dos emblemas editoriais, a impresión e a encadernación, etc., aspectos que se trasladan ao catálogo da mostra, que reúne textos dos comisarios da exposición e de Horacio Fernández y Pablo Rossi, acompañados por preto de 300 imaxes, constituíndo unha auténtica memoria gráfica deste proxecto producido pola Fundación Luis Seoane.

Exposicións actuais

De par en par. Amores entre iguais. Fotografía atopada, 1880-1947
/
Exposición
Javier Codesal. El Ogro
/
Exposición
Vari Caramés. Lugares
/
Exposición
Mapa de desexos de Luis Seoane
/
Exposición