Nenoarquitectura

/
Coordinación Fermín Blanco

Entre setembro e decembro de 2019, a Fundación Luis Seoane acollerá unha nova edición dos obradoiros infantís de arquitectura Nenoarquitectura, unha actividade que introduce aos máis pequenos no mundo da arquitectura e do urbanismo de xeito lúdico a través do Sistema de Construción Lupo creado polo arquitecto Fermín Blanco, coordinador de esta propuesta didáctica. Como xa é habitual, os obradoiros desenvolveranse os sábados en horario de 11:30 a 14:00 horas estruturados en tres grupos diferentes divididos por idades –Tropeza (4-5 anos), Empeza (6-9 anos) e Despeza (10-12 anos). O programa deste ano inclúe + Lupo, un obradoiro destinado a alumnos de entre 12 e 14 anos que participaron nalgunha das edicións anteriores de Nenoarquitectura.

Nesta ocasión, os obradoiros centraranse en diferentes aspectos relacionados coa arquitectura histórica, con conceptos como a cor, o espazo ou o mapping, e no percorrido de diferentes figuras da arquitectura e o deseño como Arno Stern, Le Corbusier, Óscar Niemeyer ou Bruno Munari. Ademais, coincidindo coa celebración entre o 24 e o 27 de outubro do Festival de Arte Audiovisual Contemporáneo INTERSECCIÓN na Fundación Luis Seoane, o módulo Empeza contará cunha sesión especial centrada no certame.

O custe da matrícula é de 40 euros, aplicándose un desconto do 10% para grupos de irmáns. As follas de inscrición poden descargarse a través dos enlaces seguintes:

Tropeza_4_5

Empeza_6_9

Despeza_10_12

+LupoG_12_14