A partir do mes de setembro, a Fundación Luis Seoane acollerá unha nova edición do ciclo Somos o que lemos que, unha vez máis, achegará ao público os traballos máis recentes de destacadas figuras do panorama das letras contemporaneas a través dunha serie de encontros coordinados por Javier Pintor, profesor de literatura e formador no Centro de Formación de Recursos do Profesorado da área da Coruña, ademais de coordinador e docente en diversos obradoiros de literatura e ciclos de conferencias sobre escritores contemporáneos.
Tras as intervencións de Marta Sanz, Xesús Fraga, Miqui Otero, Jesús Carrasco, Xavier Seoane, Víctor del Árbol, Elisa Victoria e Arantza Portabales, o escritor José Ignacio Carnero (Bilbao, 1986) presentará o vindeiro 27 de maio a súa última novela, Hombres que caminan solos (Literatura Random House, 2021), acompañado polo coordinador do ciclo, Javier Pintor e pola bibliotecaria Lorena Gómez.
Descargar ficha:
