O Nunca Visto O patrimonio oculto da arte contemporánea galega

/
Coordinación Sara Donoso

O Nunca Visto é unha iniciativa da Fundación Luis Seoane en colaboración con A Colectiva. Asociación Profesional de Artistas de Galicia, cuxo obxectivo é dar a coñecer proxectos que non acadaron unha forma definitiva, ou que non se puideron expoñer ou executar ata agora; unha oportunidade de afondar nos procesos que acompañan á creación axudando a construir o seu corpus formal e conceptual.

Falamos habitualmente do que se ve, dos traballos que se difundiron, que se levaron a cabo ou se materializaron desde diversas perspectivas e que remataron por formar parte do tecido colectivo. Mais tamén é preciso dar cabida a un patrimonio menos coñecido pero igualmente determinante: as pezas que, por diferentes motivos, quedaron sen concluir. Estes proxectos engrosan e acompañan á traxectoria artística axudando a construír un relato persoal e profesional. Por iso, é necesario achegarse a ese fóra de plano para dotar dun novo significado a todas as fases do proceso, facendo público o que non se ve e revelándoo como un dos elos que compoñen o exercicio artístico. A través desta iniciativa, preténdese dar visibilidade ao tecido profesional da creación alén das fórmulas habituais: as exposicións de obra rematada, a difusión en redes, etc. Os proxectos serán presentados ao longo do ano, cun formato similar ao dunha conferencia, coincidindo cos meses de maior actividade na Fundación.

Como complemento ás charlas presenciais, a coordinadora do proxecto, Sara Donoso, realizará unha serie de entrevistas aos artistas ás que se poderá acceder posteriormente a través desta mesma páxina.

O Nunca Visto contará coas intervencións de:

-Mónica Mura. Artista interdisciplinar, performer e activista.

-Sabela Eiriz. Artista visual, escritora, fotógrafa e creadora audiovisual

-Enrique Lista. Artista e doutor en Belas Artes pola Universidade de Vigo

-Eugenia Cuéllar. Artista.

-Alberto Ardid. Artista plástico e visual

-Iria Vázquez. Artista multidisciplinar, investigadora e docente. Doutora en Belas Artes pola Universidade de Vigo

Próxima intervención: Alberto Ardid. Martes 23 de novembro, 19:30 horas. Acceso libre, previa reserva no teléfono 981 216 015 (prazas limitadas)

Actividades actuais

Información COVID-19
/
Actividade
Laboratorio Reinicio
/
Actividade
O Nunca Visto
O patrimonio oculto da arte contemporánea galega
/
Actividade
Somos o que lemos. Ciclo de literatura
/
Actividade
Obradoiro de literatura. De aquí á eternidade
Os libros inmortais II
/
Actividade
Viaxes que contan
Obradoiro de escritura
/
Actividade
Creación e territorios
/
Actividade