Concibido como un espazo de investigación e divulgación sobre a creación, a súas dinámicas e as súas complexidades de interrelación, o proxecto Creación e territorios aborda as relacións entre arte e sociedade, arte e paisaxe, arte e sutentabilidade, e a percepción da creación desde a vulnerabilidade do medio humano (demográfico, económico, xeográfico, histórico e económico).
Alberto Carton (A Coruña, 1968) dirixe este proxeto que se desenvolverá entre os meses de outubro e decembro na Fundación Luis Seoane, no que nove especialistas impartirán un total de sete conferencias/coloquios agrupados en tres ciclos diferentes: os territorios, alén das súas naturezas xeográficas, sociais, e das súas dinámicas nas súas actualizacións humanas, físicas, artísticas e conceptuais; as novas aportacións á obra plástica de Luis Seoane a ambos lados do Atlántico, con especial atención a Galicia; e o ecofeminismo, tanto nas súas vertentes culturais como no seu activismo sociolóxico e de constante imprimación comunitaria e relacional. Son:
Martes 24 de novembro
Mulleres nas cidades, por Zaida Muxí. Doutora arquitecta e profesora de Urbanismo da ETSAB -UPC
Próximas intervencións:
Xoves 3 de decembro
Territorios híbridos. Superando binarismos, por Fran Quiroga, investigador transdisciplinar; Lara Dopazo Ruibal, periodista e escritora; e Daniela Fernández, doutora en Historia Contemporánea pola USC
Martes 15 de decembro
O imaxinario de Luis Seoane, por M.ª Antonia Pérez. Profesora titular da UDC
Venres 18 de decembro
Nun lugar estrano, por Federico L. Silvestre. Especialista en Estética da Paisaxe e profesor titular de la USC
